ამერიკული საკონსულტაციო კომპანია LINC-ის ინიციატივით სააგენტოს წარმომადგენლებთან შეხვედრა გაიმართა
ამერიკული საკონსულტაციო კომპანია LINC-ის ინიციატივით, კონკურენციისა და მომხმარებლის დაცვის სააგენტოს წარმომადგენლებთან შეხვედრა გაიმართა. სამუშაო შეხვედრაში მონაწილეობდნენ სააგენტოს თავმჯდომარის მოადგილე, ლევან კალანდაძე; მომხმარებლის უფლებების დაცვის დეპარტამენტის უფროსი, სერგო სანიკიძე; იურიდიული დეპარტამენტის უფროსი, სალომე ქავთარაძე; ამერიკული საკონსულტაციო კომპანის LINC-ის აღმასრულებელ დირექტორი პატრიკ ლოჰმეიერი და ამავე კომპანიის წარმომადგენელი დენიელ დრიგერი.
შეხვედრაზე, მხარეებმა ინფორმაცია გაცვალეს და სამომავლო თანამშრომლობის გაძლიერების საკითხები განიხილეს. USAID-ის განვითარების პროგრამების ფარგლებში, კომპანია LINC-ი მხარს უჭერს და მზადყოფნას გამოთქვამს გრძელვადიანი და მოკლევადიანი პროგრამების განხორციელებაში მიიღოს მონაწილეობა. მათ შორის, ტრენინგების, კვლევების, მონიტორინგის და შეფასების სისტემების დანერგვის გზით.
2024 წლის 19, 20 და 21 ივნისს, USAID-ის ეკონომიკური მმართველობის პროგრამის მხარდაჭერითა და დაფინანსებით, საქართველოს კონკურენციისა და მომხმარებლის დაცვის სააგენტოს თანამშრომლებისათვის, საერთაშორისო ექსპერტი, პიტერ პაპე ელექტრონული კომერციის საკითხებზე ტრენინგს ჩაატარებს, თემაზე - „მომხმარებლის უფლებების ეფექტიანი აღსრულება ელექტრონულ კომერციაში“.
2020-2023 წლების პერიოდში, სააგენტოს გაზრდილი მანდატის და ახალი ფუნქციების დამატების შესაბამისად, უწყების საქმიანობის ეფექტურობის გაუმჯობესების მიზნით USAID-ის პროგრამის HICD პროექტის მხარდაჭერით, სააგენტოსთვის შემუშავდა და დაინერგა - ორგანიზაციული, საკომუნიკაციო და ადამიანური რესურსების მართვის სტრატეგიები.
საქართველოს კონკურენციისა და მომხმარებლის დაცვის სააგენტო აქტიური დიალოგის ფორმატში თანამშრომლობს როგორც ადგილობრივ ისე საერთაშორისო ორგანიზაციებთან. სააგენტო არის კონკურენციის საერთაშორისო ქსელის ICN აქტიური წევრი, 2023 წლიდან კი - მომხმარებელთა დაცვისა და აღსრულების საერთაშორისო ქსელის (ICPEN) პარტნიორი. აქტიურად მიმდინარეობს თანამშრომლობა UNCTAD-ის, OECD-ის, USAID-ის წარმომადგენლობებთან.