ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ მხარდაჭერით, ელექტრონული კომერციის წამყვან B2B პლატფორმაზე - Alibaba.com ქართული კომპანიების განთავსება იწყება.

პირველ ეტაპზე, პლატფორმაზე 50-მდე ქართული კომპანიის რეგისტრაცია იგეგმება. სააგენტო სრულად დაფარავს წლიურ საწევრო გადასახადს და პროდუქციის პოპულარიზაციისა და პლატფორმაზე განთავსებასთან დაკავშირებულ სხვა ხარჯებს. ქართული კომპანიები ისარგებლებენ ე.წ. Global Gold Supplier-ის სტატუსით - ერთგვარი ვერიფიკაციით, რომელიც  ზრდის კომპანიებისადმი ნდობას და პოტენციურ მყიდველებს ინფორმირებული გადაწყვეტილების მიღებაში ეხმარება.

Alibaba.com-ზე განთავსება ქართულ კომპანიებს მისცემს უნიკალურ შესაძლებლობას გავიდნენ გლობალურ ბაზარზე, მოიზიდონ საერთაშორისო პარტნიორები და გაზარდონ ექსპორტი.

პლატფორმაზე განსათავსებელად კომპანიების შერჩევა 2 ეტაპად ხორციელდება: პირველ ეტაპზე, სააგენტოს „აწარმოე საქართველოში“ ელექტრონულ პლატფორმაზე (tradewithgeorgia.com) წლების მანძილზე ყველაზე მაღალი ქულების მქონე კომპანიების რანჟირება/შერჩევა მოხდა. მეორე ეტაპზე კი,  Alibaba.com-ის გუნდისთვის წარდგენილი  კომპანიები დამატებით ვერიფიკაციას გაივლიან. შერჩევის პროცესის დასრულების შემდეგ, სააგენტოს მხარდაჭერით მოხდება კომპანიების გადამზადება, რის შემდეგაც მათი პლატფორმაზე განთავსება დაიწყება.

უახლოეს პერიოდში იგეგმება Alibaba.com-ის გუნდის ვიზიტი საქართველოში, რომლის ფარგლებშიც, ელექტრონული კომერციის წამყვანი პლატფორმის წარმომადგენლები  ქართულ პროდუქციას გაეცნობიან.

Alibaba.com 1999 წელს დაარსდა. ელექტრონული კომერციის წამყვანი B2B პლატფორმა მყიდველებსა და მომწოდებლებს მსოფლიოს 200 ქვეყანასა და რეგიონში ემსახურება. პლატფორმა კომერციის სხვადასხვა მიმართულებას მოიცავს, რაც ბიზნესებს გლობალურ ბაზარზე გასვლაში, ხოლო მყიდველებს — პროდუქციის აღმოჩენაში, მომწოდებლების პოვნასა და შეკვეთების სწრაფად და ეფექტიანად

„ავიაკომპანია Wizz Air მიმდინარე წლის 2 დეკემბრიდან  რეისებს შეასრულებს ვენეცია-ქუთაისი-ვენეციის მიმართულებით, რაც კიდევ ერთი მნიშვნელოვანი წინგადადგმული ნაბიჯია როგორც ტურიზმის ხელშეწყობის თვალსაზრისით, ასევე იტალიასთან ეკონომიკური და სავაჭრო ურთიერთობების გაღრმავების კუთხით“, - განაცხადა ეკონომიკისა და მდგრადი განვითარების მინისტრის მოადგილე ირაკლი ნადარეიშვილმა.

წარმატებით დასრულებული მოლაპარაკების შედეგად,  Wizz Air ვენეცია-ქუთაისი-ვენეციის მიმართულებით რეისებს კვირაში ორი სიხშირით შეასრულებს.

ირაკლი ნადარეიშვილი ხაზს უსვამს, რომ საქართველოს მთავრობის როგორც საავიაციო, ასევე ტურიზმის განვითარების პოლიტიკის ერთ-ერთ მნიშვნელოვან და პრიორიტეტულ მიმართულებას პირდაპირი დაკავშირებადობა წარმოადგენს - პირდაპირი ფრენები საქართველოსა და მსოფლიოს ქალაქებს შორის. შესაბამისად, მისი შეფასებით, Wizz Air-ის მიერ იტალიის კიდევ ერთი, ვენეციის მიმართულებით რეისების შესრულება დამატებითი სტიმული იქნება როგორც საავიაციო, ისე ტურისტული სექტორებისთვის.

„აქ საუბარია როგორც საქართველოს ბაზარზე უკვე არსებულ კომპანიებთან მოლაპარაკებებზე, რომ გაიზარდოს მათი ფრენის არეალი, პირდაპირი დაკავშირებადობა სხვადასხვა ქალაქებთან, სიხშირეები, ასევე ქვეყანაში ახალი კომპანიების შემოყვანაზე. ამ ეტაპზე წარმატებით დავასრულეთ მოლაპარაკება კომპანია Wizz Air-თან, რომელიც 2012 წლიდან ოპერირებს საქართველოში და ლიდერი ავიაკომპანიაა ჩვენს საავიაციო ბაზარზე“, - განაცხადა ეკონომიკისა და მდგრადი განვითარების მინისტრის მოადგილემ.

აღსანიშნავია, რომ ავიაკომპანია Wizz Air-მა საქართველოს ბაზარზე ოპერირების დაწყებიდან დღემდე, თითქმის 9 მილიონი მგზავრი გადაიყვანა საქართველოსა და სხვა ქვეყნებს შორის, 2025 წლის 7 თვის მონაცემებით კი  900 ათასამდე მგზავრს მოემსახურა. ამ ეტაპზე ავიაკომპანია ქუთაისიდან 13 ქვეყნის 24 მიმართულებით ოპერირებს.